الى حصل انه المصابين معزومين فحفلة فالحديقة الدولية وكالعادة المصابين بياخدوا اذن وبيخرجوا .. وخرجوا قبل كده كتير فتسجيلات تلفزيونية كتير ... ومحدش اعترض على خروجهم ابدا ... المهم ... مصطفى عبد الدايم (مصاب ثورة - شلل رباعى ...نصه التحتانى مش شغال) راح للتمريض يستأذن عشان يقفل غرفته وينزل معانا الحفلة .. فالممرضة رفضت ... ليه .. هو كده ... مصطفى رد عليها وقالها طب هخرج انا ش قاعد فسجن ... قالتله لا انت فسجن وانا ممكن احبسك انت والبنات اللى بتجيلك وابلغ عنك الشرطة تعملك محضر اداب ... تخيلوا شلل رباعى نصه التحتانى مش شغال بيجيب بنات ... تخيلوا مصاب ثورة قعيد بقاله سنتين بيتقاله بتجيب بنات فالاودة وهنحبسك ... وبناءا عليه حصلت مشادة كلامية ... كلامية ... كلامية ... مفيش ضرب خااااااااااااااالص ... بين التمريض ومصطفى واحمد عبد الخالق ... فالممرضة قالت لاحمد طب انا هعملك محضر بالتعدى عليا بالسب ... وانزل معايا اعملك المحضر ... قاله ماشى ونزل معاها بكل ادب وطول الطريق ... فضلت الممرضة تشتم فالورة والثوار واحنا هنا بنخدمكم وقرفتونا يا اولاد تيت تيت تيت ... الحاجة صالحة (مندوبة هية السويدى ) جريت لما سمعت الصوت فقالت للمرضة انتى بتزعقيله ليه ,,, راحت الممرضة زقت الحاجة صالحة وده لما وصلوا الريسبشن تحت .. فجأة لقيت واحد من الشرطة العسكرية بيجر احمد عبد الخالق لحد نقظة المستشفى وضربه بظهر السلاح على رجله اللى عمل فيها العملية ... وبدأت المعركة داخل طرقة ضيقة ... جرينا شيلنا عبد الخالق للطوارئ لانه اصيب باغماء ورجعت لقيت امن المستشفى ماسك الشباب ضرب وسب الدين والثورة وتيت تيت تيت ... رجعت لاحمد اخدته انا وزيدان وطلعناه اودته ... ونزلت اطلع كل المصابين على اوضهم لان وجودهم تحت خطر ... لقيت احمد الضيف منهار وبيقوللى ربيع مات ,,, ؟؟؟؟؟ ... واسامة (مشلول برده) فالطوارئ محبوس ... فجريت اجيب اسامة ... لقيت رجالة من امن المستشفى عملوا كردون حواليه وهيضربونى ... دى كانت معاهم دى كانت بتصور يا تيت تيت تيت ودخلونى نقظة المستشفى ... لقيت حوالى خمسة سايحين فدمهم وفى ضابط داخلية بيحقق معاهم ... واسلام (مصاب ثورة)مرمى عالارض وبيصرخ .. الشريحة اتفكت ... قولت للضابط بعد اذن حضرتك مين عمل فيهم كده .. قاللى انا لسه جاى وبحقق ... قولتله طب اسعفوهم الاول وعدين حققوا قاللى نسعف مين .. انا عاوز اخركوا مالمستشفى بامان الاول وبعدين نحقق معاكوا .. وبعدين انتى ايه اللى جابك هنا ... قولتله الناس اللى بره دخلونى هنا وقالوا انى كنت بصور وشتمونى ... قاللى طب امشى من هنا انتى ملكيش دعوة ... قولتله انا مش هسيب اصحابى قاللى بقى كده طب يللا عالقسم معاهم ... قولتله ماشى... الداخلية عملت حوالينا كردون وطلعونا من قلب الامن والتمريض بالقصر العينى وركبنا البوكس ... واحنا راكبين جت الدكتورة وفاء قالت انا انضربت خدونى معاهم اسماء ملهاش دعوة دى كانت بتزق العربية بتاعتى راحوا التمريض اللى واقف بره نازل فيها تلطيش وكسرولها فقرة فظهرها ... وجريت العربية عالقسم ... وباختصار شديد تمت معاملتنا بكل احترام الى ان جاء مدير المباح وقالنا انتوا مجنى عليكم مش متهمين واللى عاوز يعمل محضر ينزل والباقى يروح ... وانا فضلت اروح لمنة الله (مصابى ثورة) لانها كانت برة المستشفى بسبب خوفها لاحسن تتضرب مالامن ... وعرفت انها تعبت ولا هيا عارفة ترجع المستشفى ولا هيا لاقية مكان تروح فيه ... وبعد حوالى ساعة اتصلت بزيدان وقاللى هاتى منة وانا هدخلها وبالفعل روحنا دخلناها وقابلنا هناك لواء شرطة استقبلها ووصلها لغرفتها وانا روحت ..
وعرفت انه احمد عبد الخالق طلع قال انه منضربش وانه سليم مع انى صورته وهو بينضرب ومعرفش ليه هو قال كده ؟ هل هو متهدد ؟ ولا مش فاهم ؟
ده لينك لشهادة الدكتور احمد حرارة
http://www.albedaiah.com/start/node/3053
وده لينك للفيديو الخاص بواقعة اعتداء الشرطة العسكرية على المصاب احمد عبد الخالق
http://www.youtube.com/watch?v=AWoVyWy3wRc&feature=share
ليست هناك تعليقات:
إرسال تعليق