اوسخ حاجة عملتها انهارده انى روحت بدرى عالبيت مش عالميدان
روحت البيت لقيته مستعمرة فلول ... ومش اى فلول ... دول انجاس
خالتى وابن خالتى ... وجوز خالتى التانية....
انا بجد ندمانة انى اكتفيت بطردهم مالبيت وبس .. المفروض كنت اديتهم برجلى
الحكاية كالآتى :
دخلت بابتسامة مقرفة ... وسلام سخيف
قالولى : اهلا بالثائرة وكانت نبرتهم فيها سخرية واستهزاء وكأنى بلياتشو
واخدت نفسى شويه وقعدت عالكرسى
خوز خالتى رتبة عالمعاش فالجيش: قاللى : اللى بيحصل ده نتيجة ان الثوار مأخدوش حقهم فمجلس الشعب المفروض كانوا ادوهم مقاعد
( يعنى كانوا المفروض ادوهم حقهم فالسبوبة.. هو ده قصده)
قولتله : لا .. اللى بيحصل ده نتيجة لان نظام مبارك لم يسقط ولان مفيش ولا مطلب من مطالب الثورة اتحقق اتحقق .. بصوا احنا وصلنا لدرجة انهم بقوا يصفونا جسديا ونفسيا
لقيت ابن خالتى (المَرَة) : بيقوللى : اصبروا شويه شويه انتوا ولعتوا فالبلد
قولتله : نصبر على ايه ؟ ... عالاغتصاب ولا السحل ولا الضرب الرصاص ... انت عارف مثلا امبارح اول بدأنا نهتف بالرجوع للميدان عشان نخلى القصر العينى لقينا الجيش طالع فوق السطوح بيضررب فينا تانى
قاللى : طب ما تهتفوا بالرجوع للبيت خلونا نهدى البلد مولعة وانتو السبب
قولتله : واحنا السبب فضربنا بالرصاص ..
قاللى : فين الرصاص ده
قولت لنفسى بلاش رصاص نديله التقيلة
قولتله : طب احنا اللى سحلنا البنت وعريناها ؟
قاللى : وايه اللى منزلها هيا تستاهل
قولتله بعلو صوتى : الراجل اللى يقبل ويرضى انه اى بنت تتعرى وتتسحل يبقى مَرَة وعرة الرجالة
لقيت ماما بتقوللى : اسكتى انتى بتقولى ايه
قولتلها : خلاص الكلام ده مفيهوش لاقريب ولا غريب ولا كبير ولا صغير طالما الرجالة النسوان مش عاوزين ييجيبوا حقنا احنا مش هنسكت على عرضنا وكلامى لكل اللى قاعد ..
لقيت خالتى بتقوللى ايوه انا بقولك ايه اللى منزلها والراجل اللى يوافق انه بنته تنزل الميدان وتبات فيه ميبقاش راجل
قولتلها اصل انتم عبيد التبن اللى طنطاوى بيعلفه ليكم
قالتلى : أه احنا عبيد وعاجبنا كده وانتى مالك
ولقيته (المَرَة) قايم يقوللى انتى سافلة
قولتله : اطلع برة يا مرة يا عرة الرجالة يا اللى معندكش نخوة ... عشان متوسخش بتنا ..
وطردتهم نفر نفر
ولما هما حسوا ان الامور عدت المانش فتحوا الباب وجريوا زى الكلاب
ودى أحسن حاجة عملتها انهارده
و الله انتى بنت جدعة و انا فخورة بيكى و باللى عملتيه و لو حد زعل منك فى البيت عشان عملتى كدة ميهمكيش لانك على حق
ردحذفمش عارف اقولك ايه؟؟؟ بس شعب زى ده حلال انه يموت انضف ناس فيه علشانه؟؟؟ ولا حلال ان اشرف بناته تتعرى علشانه؟؟؟ ولا حلال فيه انه يفضل مركوب طول عمره؟؟؟
ردحذفأقسم بعزة جلال الله انك بنت وردة فلة شمعة منورة...انا ابويا يجيب الضغط والسكر...ربنا يصبرني علييييييييييييييييييييييييييه
ردحذف:(
مش مكفيهم انهم فلول لاء وانجاس كمان
ردحذفبصراحة يستاهلوووووووووووووو اديهم على دماغهم بالجزمة يمكن في يوم يبطلو وساخة و عبودية :) تسلم ايدك ^^
ردحذفطبعا انتي بنت مش متربية وكلل التعليقات دي مهزءة
ردحذفارجل من ميت راجل اصل ف ناس لازم تاخد على دمغها علشان تعرف ان الله حق
ردحذفالسلام عليكم
ردحذفانا عايز اقولك انى مع الثوار ومع الثورة مع اشرف ثورة بس كنت اتمنى ان بنات الثورة ميقولوش الالفاظ دى
بصراحة أنتى انسانة مش محترمة ولو كل اللى فى التحرير بيتكلموا بالأسلوب ده وبالطريقة دي يبقوا يستاهلوا الحرق بجاز وسخ.. وانتى وأمثالك اللى شوهوا الثورة وكرهتوا الناس فيها ...جتكوا القرف مليتو البلد
ردحذفحسبى الله ونعم الوكيل .......
ردحذفحسبى الله ونعم الوكيل فيكى ......كفايه اسلوبك الغير محترم وكل اللى مأيدك مايفرقوش عنك حاجه انتى كرهتى الواحد فى الثورة انتى واللى زيك .....حسبى الله ونعم الوكيل......
ردحذفعيب عليكي دول فضلو التربيه عن العلم
ردحذفربنا يشفيكى ويعفى عنك والله العظيم انك عايزةعلاج نفسى ... بس ده مش جديد على أوسخ فئة فى مصراللى هى ميدان التحرير
ردحذف